Cualquiera que os dé muerte, berriro plazan
Rasmia argitaletxeak Cecilia G. Gilarteren zalantzarik gabe lanik zabalduena berrargitaratu du. Cualquiera que os dé muerte (Zu hiltzen zaituen edonor), Mexikoko erbestean idatzia, Espainian agertu zen, 1969an. Haren argitalpena lurrikara txiki bat izan zen antza inoiz ezer gertatzen ez zen diktadura hartan. Cualquiera que os dé muerte eleberriak urte hartako Águilas saria, estatuko bigarren garrantzitsuena, eskuratu zuen.
Eleberri honek Francisca Amaya Iraola familia anarkokusindikalistako neskaren bizitza kontatzen du. Biografia hori Gerra Zibilak eta erbesteak zapuztuko dute. Itxura guztien aurka, ez da lan autobiografikoa. Nolabait ere «prestakuntza-nobela» gisa planteatuta dago, 1917 eta 1939 bitartean izandako borroka sozial eta politikoak azalduz. Gerra eta horrek zekartzan traumak kolpe erabakigarriak izan ziren protagonistarentzat. Bere erbestealdian basamortu gogor eta babesgabe batean, westernetik hurbil dagoen estilo batean kontatua, bere buruaz sentituko duen arroztasunak, metafora gisa, herrialde oso baten historiaz hitz egiten digu.
Edizio berri honek Manuel Aznar Soler-en hitzaurre interesgarria eta Alfons Cervera idazlearen epilogo bat dakar. Bi egileek, Ana Mary Ruiz, Garbiñe Biurrun, Susana Koska eta Olatz Peón alkatearekin batera, Tolosako herriko udaletxean, 2023ko martxoaren 15ean, liburua aurkeztu zuten.
Fitxa bibliografikoa:
Cecilia G. de Guilarte: Cualquiera que os dé muerte, Surco bilduma 12., Zaragoza: Rasmia, 2022, 443 or., ISBN: 978-84-125087-3-4. Azala: Lara Gómez.
