Aktak bilduma
Exilio y Universidad (1936-1955) vol. I y II
Gerra Zibila eta hark eragindako erbestealdia gure herriak historia garaikidean pairatu duen kultura-hondamendi larriena eta odoltsuena izan da. Oro har, kulturari eta unibertsitateari erreparatuz, frankismoak eragindako trauma intelektual eta akademikoa oraindik ez dela gainditu esan daiteke. Gure nortasunaren eta historiaren ikurrak berreskuratzeko, hain urruti ez dauden garai ahaztu eta ilun horiek ikertu eta ezagutu behar ditugu. Bi liburuki hauen benetako erronka horretan datza, hain zuzen: maila kulturalean izan ez zena era teoriko batez antzeman, eta beste herrien garapenei gure erbesteratuek egin zizkieten ekarpenak aztertu. Halaber, irakasle horien liburuak eta aportazioak berreskuratu nahi ditugu, gure herriaren ondare kulturalaren zati handi bat baita. Hemen aurkeztu dugun lan honek, Exilio y Universidad (1936-1955), bide horretan lehenbiziko urrats bat izan nahi du.
EDITORIAL SATURRARAN
Bilduma: AKTAK
Katalogazio fitxa:
Exilio y Universidad (1936-1955) (2volúmenes)
Koordinatzaileak: ASCUNCE, José Angel. JATO, Mónica. SAN MIGUEL, Mª Luisa.
[Lehenengo argitalpena] . – 2008.
I.S.B.N. (Tomo 1) :978-84-934455-3-9
(Tomo 2):978-84-934455-4-6
(Obra completa): 978-84-934455-5-3
L.G./ D.L.: SS -716 – 2008
Non zeuden emakumeak?La mujer vasca en el exilio de 1936
Gerra ondorengo atzerrian eginiko argazkiak edo informazioak aztertzen baditugu, bertan beti gizonezkoak dira nagusi. Zenbait momentutan emakumeak erbesteratu ez zirela pentsa dezake norbaitek. Ideia hori, jakina, erabat faltsua da. Erbestean euskal emakumeak ziren ere bai, eta, erbesteratuek sortu zuten kultura eta gizarte ekintzetan gogoz parte hartu zuten, haiek beraiek antolatu ez zutenean, nahiz eta gero argazkietan ez azaldu. Hori da, hain zuzen, liburu honen helburu nagusietariko bat: erbesteko argazkietan emakumeak kokatu, ahal den neurrian haiek egindako lana goraipatuz eta berreskuratuz. Historikoki zor diegu eta. Gure oraingo ekimen honek errebindikazio horretan beste urrats bat izan nahi du.
Koordinatzailea: José Ramón Zabala Agirre
[Lehen argitalpena] . – 2007.
I.S.B.N.: 978-84-934455-2-2
LG / D.L.: SS-1394/07
José Antonio Agirre: proiektu kultural bat
Liburu honetan hainbat gogoeta eta azterketa bildu dira, J. A. Agirre Lekuberen eginkizun intelektual eta kulturalaren inguruan eta euskal historiari eta literaturari hark egindako ekarpenaren inguruan.
Sei saiakera hauen bidez, lehen lehendakariak erbestean egin zuen lana eta euskal kultura defendatzeko etengabe egin zuen ahalegina nabarmendu nahi dira.
Koordinatzailea
Edurne Muñoz
[Lehen argitalpena] . 2007
I.S.B.N.: 978-84-934455-1-5
LG / D.L.: SS-95/07
Herri bat bidegurutzean
Erbesteratuak ezin du sendatu bere mina. Leundu baino ez herrira itzuliz gero. Urruti mina, aberri osoarena izan arren, ahazteko zorian izandako historia dugu. Zaila da gerra zibila zela-eta erbesteratutakoen eta Euskal Herriaren atsekabeez jabetzea. Ez, ordea, ahaztea batzuek, ia amets guztiak galduta, egoerari aurre egin ziotela, euskal kultura eta euskararen iraupena lantzeko zama beren gain hartu zutela eta horien alde zuten guztia eman zutela.
Zerrenda luzea denez, besteak beste, gogora ekarri nahi ditugu Bingen Amezaga, Andima Ibiñagabeitia, Telesforo Monzon, Nikolas Ormaetxea, Martin Ugalde eta Jokin Zaitegi.
Euskaraz idatziz eta pentsatuz, aberriaren aldeko grinari eta maitasunari bidea eman zieten erbesteratu hauen samina eta mina gogoratuz, bai eta egin zituzten ahaleginak ere, gorazarre xume hau egin nahi izan diegu.
SATURRARAN ARGITALETXEA
BILDUMA: AKTAK
Herri bat bidegurutzean
Koordinatzailea
Xabier Apaolaza
[Lehenengo argitalpena] . – 2003. Ale kopurua: 750
240 or. ; 23 zm.
I.S.B.N.: 84-932271-8-8
L.G./ D. L.: SS-0081/04
Martin Ugalde azterkizun. Encuentros con Martín Ugalde
Martin Ugalde gure herriaren eta gure kulturaren gailur aipagarrienetako bat da. Andoainen jaio zen 1921ean, eta Venezuelara alde egin behar izan zuen Gerra Zibilaren inguruabar latzak bizi eta gero. Literatura-sorkuntzan eta kazetaritzan aurkitu zuen herriminaren aurkako sendabidea. Martin Ugalde azterkizun liburuak garai harekin konprometitutako intelektuala, idazlea eta gizona omendu nahi du, erbesteko kulturaren ikur nagusietakoa baita.
SATURRARAN ARGITALETXEA
BILDUMA: AKTAK
Koordinatzaileak
Xavier Apaolaza
José Ángel Ascunce Arrieta
Marién Nieva
[Lehenengo argitalpena]. 2002.
Ale kopurua: 750
398 or. ; 23 zm.
I.S.B.N.: 84-932271-0-2.
L.G. / D. L.: SS-622/2002
Eugenio Imaz. Asedio a un filósofo
Eugenio Imaz (Donostia, 1900 – Veracruz, 1951) itzultzaile handi eta saiakera-idazle bikaina gizartea eta gizarte horren inguruabarrak aintzat hartu zituen humanista izan zen. Gizaki historikoaren errealitatea bere gain hartu zuen, bere pentsamenduaren oinarri moduan. Humanismo hori oinarri hartuta, ikur utopikoko finalismo argia defendatzen zuen, eta horren azken etapa gizakien betikotasuna edo “gizatasuna” zen. Hala ere, historiak jokaldi maltzurra egin zion, ideal guztiak ezabatuta, gorrotoak eta suntsipenak –munduko bi gerra eta gerra zibil ankerra– euren legeak ezarri baitzituzten justiziaren eta arrazoiaren kaltetan. Eugenio Imaz historiaren biktima izan zen, baina historiari erakutsi zion gizakiak maitasunaren eta ulermenaren bidez bakarrik lor litzakeela zoriona eta perfekzioa, hau da, “gizatasuna”.
SATURRARAN ARGITALETXEA
BILDUMA: AKTAK
Koordinatzaileak
José Ángel Ascunce Arrieta
José Ramón Zabala Aguirre
[Lehenengo argitalpena] 2002.
Ale kopurua: 750
398 or.; 23 zm.I.S.B.N.: 84-932271-0-2.
L.G. / D. L.: SS-622/2002
Los hijos del exilio vasco: arraigo o desarraigo
Euskal erbestearen seme-alabak: errotzea edo deserrotzea lanean arrazoi historikoak zirela- eta etxea eta herria utzi eta munduko hainbat lekutan bizimodu berria eraiki behar izan zuen kolektiboaren memoria berreskuratu nahi da.
Denborak aurrera egin eta bere legea ezartzen du. Gure historiarako hain garrantzitsua izan zen gertaera hori iraganarekin batera ahaztuz doa. Beraz, gure beharra, ahal dugun heinean, talde edo kolektibo horren memoria berreskuratzea da.
Horixe da, hain zuzen, esku artean duzun liburuaren filosofia eta esangura.
SATURRARAN ARGITALETXEA
BILDUMA: AKTAK
Los hijos del exilio vasco: arraigo o desarraigo
Koordinatzaileak
J.A. Ascunce – Mª L. San Miguel [Lehenengo argitalpena] . – 2004.
Ale kopurua: 750
602 or. ; 23 zm.
I.S.B.N.: 84-932271-9-6
L.G. / D. L.: SS-1311/04
Sesenta años después Euskal Erbestearen Kultura
Gerra Zibilaren amaieratik eta gerra horren azken erbesteratzetik hirurogei urte igaro zirela gogoratzeko, Espainiako herri askotan kongresuak antolatu ziren, zonalde bakoitzeko erbesteratzea bizirik izateko eta hamarkada luzeetan isilpean egondako oroimen historikoa berreskuratzeko. Filosofia horrekin, Euskal Herrian oroitzapen eta omenaldi-ekitaldi batzuk egin ziren, eta horien emaitza bi liburuki hauek izan dira: “Sesenta años después/ Euskal erbestearen kultura”. Lan horretan, berrogeita hamar lanetik gora bildu dira, kulturaren eta zientziaren esparruetan izandako erbesteraturik aipagarrienen bizimoduen eta lanen inguruan.
Saturraran Argitaletxea
Bilduma: Euskal erbestearen kultura
Katalogazio-Fitxa
Hirurogei urte geroago. Euskal Erbesteratuen Kultura. Aktak – Sesenta años después. La Cultura del Exilio Vasco
Aktak. – II – l.
Xabier Apaolaza, José Ángel Ascunce eta lratxe Momoitioren edizioa. [1ª arg.]. – 2000. 548 or.; 17 zm.
Aktas.- II- 2.
Xabier Apaolaza, José Ángel Ascunce eta lratxe Momoitioren edizioa. [1ª arg.]. – 2000. 544 or.; 17 zm.
I.S.B.N.: 84-87478-28-X Obra orokorra osoa
I Liburukia.- ISBN 84-931339-1-4
II Liburukia.- ISBN 84-931339-2-2 Ale Kopurua: 750
Argitalpena: 2000.go lraila
